Pamingpin anu Wani Miskin

Satengah bulan deui ti ayeuna sakabeh bangsa Indonesa adeuk ngalangkungkeun hajatan gede di taun dua rebu salapan, nya eta PEMILU. *tapi abdi mah teu mimilu soalna teu acan gaduh izin nyoblos*😆 Persiapan kanggo ngagolkeun eta hajat, nya tangtu pisan bakal ngagolontorkeun rupiah anu nol-nolna nepi ka ngagorolong. Hehe…😀 Maksadna eta acis teh pasti bakal ‘diawur-awurkeun’ bahkan nepi ka kolong-kolong jambatan, kanggo kaperluan kampanye capres, caleg, jeung sajabana.

Cik geura tempoan di sakitar urang, di jalanan, di angkot, di tembok-tembok, di jero gang-gang, dimana bae weh asal aya jelema *sareng sato oge lah ya*😆 anu uninga didinya – sok aya iklan kampanye tiasa anu mangrupa selebaran, brosur, baliho, spanduk, poster jeung amplop *ups* disebarluaskeun ka tengah-tengah masyarakat. Yen eusina teh jiga nu heueuh we bisa menyejahterakeun rakyat, ngamakmurkeun rakyat, jeung… naon deui nya? Ah, anu pasti mah lolobana obral janji teh bombastis, teu realistis. Pasombong-sombong, sami siga iklan perang tarif nu sejen tea.

Naha bet loba capres atawa caleg nu bisa wani kitu ngahambur-hamburkeun duit jang kampanye teh? Teu lain, teu sanes, sadaya upaya eta teh dilakukeun ngarah kumaha manehna ameh laku di pasaran. Naha oge jangji menyejahterakeun rakyat teh meuni dianggap bakal sagampang ngabalikkeun leungeun. Naon heula tolok ukurna bisa menyejahterakeun rakyat teh?

Nu matak dina menghadapi Pemilu 2009, urang kudu hati-hati milih calon wakil rakyat teh. Urang ulah katipu *deui* ku slogan-slogan ‘setinggi langit’ dina atribut kampanye para caleg, da can tangtu bisa langsung mere bukti. Komo caleg nu kampanyena supermasif, kudu langsung dicuriga nu kieu mah.

Naha urang kudu curiga ka caleg anu kampanyena kawas kitu? Kusabab da geus katarawang ahirna. Nya sabaraha kitu ari gajih wakil rakyat di parlemen teh? Lamun aya caleg anu kampanyena beak duit milyar-milyar, barang manehna dilantik jadi wakil rakyat anu terhormat, pasti anu dipikirna teh kumaha carana sangkan dina jangka waktu nu teu lila eta duit urut modal kampanye teh bisa balik deui. Ujung-ujungna mah kana korupsi deui, kana korupsi deui.

Tah aya hasil survey ti TII (Transparency International Indonesia) yang menyatakan bahwa opat lembaga gede terkorup di Indonesa nya eta Polisi, Lembaga Peradilan, Parlemen, jeung Partai Politik. Artina dina opat lembaga eta teh mangrupakeun sarang koruptor paling badag, nyaman jeung aman. Bukan berarti lembaga nu lain bersih tina korupsi, lantaran korupsi di Indonesa mah geus siga daging jeung tulang. Hese dipisahkeunna, kecuali dipeuncit heula, dikuliti, dicincang, diiris jeung saterusna jiga harita poe qurban kamari. Heho..😀

Lamun kitu, saha nu rek tanggung jawab ka nasib ratusan juta rakyat negri ieu? Beuh… cape mikirna.🙄

Trus kumaha atuh milih pamingpin anu paduli, nyaah, tur mikacinta ka rahayat? Jeung anu teu loba bla-bla-bla, tapi langsung turun ka masarakat. Ngabaur. Ngadangu aspirasi langsung ti rakyat. Ceuk abdi mah lamun urang hayang boga pamingpin nu kitu, urang sadayana kudu ngupayakeun hal eta. Tah, nya kumaha?

Sanes para caleg wae atuh nya anu tiasa kampanye nawarkeun jangji-jangji gono-gini dimana-mana, tapi urang oge kudu bisa ngampanyekeun calon pamingpin idaman urang kamana-mana. Tiasa ngangge media cetak atawa media maya, sawios bae anu penting mah efektif penyebarannya. Salah sahiji conto kampanyena, “KAMI BUTUH PEMIMPIN YANG BERANI MISKIN”.

Makna dina slogan eta teh loba pisan. Nya eta pamingpin anu wani miskin, bakal miheulakeun kapentingan rakyat. Pamingpin anu wani miskin, bakal ngarelakeun hartana, tanagana, jeung pikiranna jang rakyat. Pamingpin anu wani miskin, bakal ngabela nasib rakyat jelata jeung tertindas. Pamingpin anu wani miskin, bakal wijaksana ngamanfaatkeun hak jeung kawajibannana. Lamun umpamana aya pamingpin nu tiasa kitu, pasti bakal aya timbal balik ti rakyat. Pamingpin tong sieun miskin, da aya rakyat nu ngajamin. Pamingpin tong sieun teu boga babaturan, da aya rakyat nu ngabaturan. Pamingpin tong sieun dicela, da aya rakyat nu ngabela.

Komo deui mun pamingpinna boga karakter jeung kamampuan anu mumpuni mah. Rakyat pasti bakal hormat, taat, semangat jeung bakal kasuat-suat ka pamingpinna sapanjang hayat.

Nah pertanyaanna, saha anu wani?

5 responses to “Pamingpin anu Wani Miskin

  1. Tolong ditranslate kan Gie…:mrgreen:

  2. Gie, ko gw nyut-nyut-an ya bacanya??

    pengaruh bahasa Sunda ato emang karna gw lagi masuk angin???

  3. a?
    pa kbr? where to contact u?

  4. anu wani mah sanes abdi
    anu teu ngarti ge!

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s